Архангай дахь Захиргааны хэргийн анхан шатны шүүхийн шүүгчийн туслах Г.Цэрэндэжид Монгол Улсын Хөдөлмөрийн баатар, ардын багш, гавьяат хуульч, доктор, профессор Б.Чимидийннэрэмжит эрдэм шинжилгээний байгууллагын багш, судлаач болон оюутны эрдэм шинжилгээний шилдэг илтгэлийн уралдаанд
СУДЛААЧИЙН САЛБАРТ: "Шүүхийн сахилгын хороо, түүний бүрэлдэхүүн ба шүүхийн хараат бус байдал” сэдэвт илтгэлээр оролцож Гутгаар байрт: шалгарлаа.
Илтгэлийн уралдааны шүүгчээр Академич Ж.Амарсанаа, ХЗҮХ-ийн Эрдэмтэн нарийн бичгийн дарга, Хууль зүйн доктор П.Амаржаргал, Улсын дээд шүүхийн шүүгч Ц.Цогт, МУИС-ийнХууль зүйн сургуулийн багш, хууль зүйн доктор Д.Гангабаатар (Цахимаар), "Эрх зүйт ёс” сангийн тэргүүн, хууль зүйн ухааны доктор Ч.Өнөрбаяр нар ажиллаж 2021 оны 1-р сарын 12-ны өдөр эцсийн шатны шалгаруулалтыг явуулсан байна. Цаг үеийн нөхцөл байдалтай уялдуулан энэ жилийн илтгэлийн уралдааныг танхимын болон цахим хосолсон байдлаар зохион байгуулснаараа онцлогтой байсан.
Шүүгчийн туслах Г. Цэрэндэжидэд Архангай аймаг дахь анхан болон давж заалдах шатны шүүх, шүүхийн Тамгын газрын нийт хамт олноос баяр хүргэж цаашдын судалгаа, шинжилгээ, эрдэм судлалынажилд нь өндөр амжилт хүслээ.
