Өдөрт дунджаар 10,000 хүн ханддаг Шүүхийн цахим санд өнөөдрийн байдлаар 150,000 шийдвэр байршсанаас гадна шүүх хуралдааны зар, шүүхүүдийн хаяг, байршил, утас, факс, и-мэйл, цахим хуудас, хэргийн харъяалал зэрэг мэдээллийг багтааж байгаа бөгөөд хэрэглэгчдийн хэрэгцээ шаардлагад нийцүүлэн шинэчлээд байна.
Энэхүү нэмэлт шинэчлэл нь аль шүүхэд хандахаа мэдэхгүй байгаа иргэдэд хөтөч болж, эрүү, иргэн,захиргааны аль шүүхэд хандахыг нь зөвлөхийн зэрэгцээшүүхэд өргөдөл, гомдол, нэхэмжлэл гаргахад хэдэн төгрөгийн улсын тэмдэгтийн хураамж төлөхийг тооцоолохоос гадна хэрхэн тооцоолсон аргачлалыг ч мөн харуулах юм.
Шинэчлэн зохион байгуулагдсан шүүхүүдийн байршлыг шүүхийн төрөл, шатыг сонгоход google map дээр маш ойлгомжтой харуулах, мэдээлэл лавлагааны булан шинээр нээснээр иргэд шүүхэд мэдүүлэх эрхийнхээ талаарх мэдээллийг авах боломжтой боллоо.
Иргэн та
Интернэтээр www.shuukh.mn хаягаар хандаарай
Ухаалаг гар утастай бол shuukh аппликэйшныг суулгаарай
