Шүүхийн ерөнхий зөвлөл
ШҮҮХИЙН ХҮНИЙ НӨӨЦИЙН ГАЗАР
БҮГД НАЙРАМДАХ ИТАЛИ УЛСАД ЗОХИОН БАЙГУУЛАГДАХ
СУРГАЛТЫН ХӨТӨЛБӨРТ УРЬЖ БАЙНА
Шүүхийн ерөнхий зөвлөлийн дарга Н.Лүндэндоржийн Бүгд Найрамдах Итали Улсын Шүүхийн дээд зөвлөлд хийсэн албан айлчлалын үеэр Монгол Улсаас 10 шүүгчийг тус улсад 2015 оны 9 дүгээр сард богино хугацааны сургалтад хамруулахаар шийдвэрлэсэн билээ.
Энэ хүрээнд Бүгд Найрамдах Итали Улсад зохион байгуулагдах сургалтын хөтөлбөрт оролцогчдын сонгон шалгаруулалтыг зарлаж байна.
Сургалтын зорилго
БНИУ-ын болон Европын холбооны гишүүн улсуудын эрх зүйн тогтолцоо, шүүх, шүүгчийн үйл ажиллагааны сайн туршлагаас суралцахад чиглэнэ.
Сонгон шалгаруулалтад хэн оролцож болох вэ?
БНИУ-ын эрх зүйн болон шүүхийн тогтолцоо, шүүх, шүүгчийн сайн туршлагыг судлах, өөрийн улсад нэвтрүүлэх хүсэл эрмэлзлэлтэй шүүгч оролцох боломжтой.
Сонгон шалгаруулалтын бүртгэл
Сонгон шалгаруулалтад оролцохыг хүсэгчид дараах материалыг бүрдүүлэн Шүүхийн хүний нөөцийн газрын Сургалтын хэлтэст ирүүлнэ. Үүнд:
1. Нэр дэвшүүлэх мэдүүлэг; (Мэдүүлгийг энд дарж татаж авна уу)
2. Эссэ;
Дараах сэдвүүдээс аль нэгийг сонгон бичих:
·Шүүхийн шат бүрийн бие даасан байдал;
·Шүүхийн шийдвэр боловсруулах аргачлал;
·Шүүгчийн хууль тайлбарлан хэрэглэх ур чадвар;
·Шүүгчийн хариуцлага;
(Эссэгээ 500 үгэнд багтаан компьютерээр бичсэн байх бөгөөд үсгийн фонт Arial 11, мөр хоорондын зай 1.5 – аар бичсэн байна.)
3. Сургалтад хамрагдах үед БНИУ болон Европын холбооны улсуудын шүүхийн сайн туршлагыг судлах, тодруулах асуудлыг тусгасан хувийн төлөвлөгөө;
4. СV (товч намтар);
Дээрх материалыг бүрдүүлэн 2015 оны 6 дугаар сарын 29-нөөс 7 дугаар сарын 17-ны өдрийн дотор шуудангаар эсвэл altanhuyag@judcouncil.mn цахим шуудангийн хаягаар ирүүлнэ.
ШҮҮХИЙН ХҮНИЙ НӨӨЦИЙН ГАЗАР
