Гурав дахь жилдээ Вашингтоны Их сургуулийн Хууль зүйн сургуулиас зохион байгуулж буй Олон улсын эрх зүйн тэнцвэртэй хөгжлийн хөтөлбөрийг хээл хахуулийн эсрэг чиглэсэн тэргүүлэгч ашгийн төлөө бус бизнесийн нийгэмлэг болох Олон улсын TRACE-тэй хамтран худалдааны ил тод байдлаар мэргэшсэн авилгын эсрэг чиглэлээр залуу, онцгой манлайлагчдыг суралцуулан тэтгэлэг олгох зорилготой хуулийн магистрын хөтөлбөрт урьж байна.
TRACE тэтгэлэгт хөтөлбөр нь хээл хахуулийг багасгаж, ил тод байдлыг нэмэгдүүлэх хүсэл, зорилгыг урьтал болгож, хөгжиж буй олон улс орнуудын хуульчдыг үнэ төлбөргүй /сургалтын төлбөр, байрны зардал, аяллын зардал багтсан/ сургана. Вашингтоны Их сургуулийн TRACEтэтгэлэгт хөтөлбөрийн бүтэн жилийн хичээл нь Вашингтоны Их сургуульд явагдах ба зуны дадлагажих сургалт TRACE-ийн удирдах байгууллага байрлах Аннаполис, Мэрилэндэд явагдана. TRACE тэтгэлэгт хөтөлбөрт сонгогдогсдын хичээл 2016 оны 08 дугаар сарын сүүлээр эхлэн бүтэн жилийн хугацаанд явагдана.
TRACE тэтгэлэгт хөтөлбөр хамрагдагсад нь авилгын эсрэг үр нөлөөг дээшлүүлэхэд чиглэсэн авилгын эсрэг, олон улсын арга барил, дүрэм журам эсвэл албадлагатай холбоотой сэдвээр хуулийн магистрын дипломын ажлаа бичнэ. Суралцагсад нь бизнесийн ёс зүй, хууль эрх зүй болон засаглал эсвэл эдийн засгийн хөгжилд суурилсан хичээллүүдэд хамрагдах боломжтой. TRACEтэтгэлэгт хөтөлбөр нь шинээр гарч ирж буй манлайлагчид болон мэргэжилтнүүдэд зориулсан хээл хахууль, авилгын эсрэг урьдчилан арга хэмжээ авах талаар дадлагажуулах болон практикийн гүнзгийрүүлсэн сургалт юм. Өргөдөл гаргагч нь бага эсвэл бага дунд орлоготой улсын эсвэл Тусгаар улсуудын хамтын нөхөрлөлийн улс орнуудын иргэн байна.
Өргөдлийг хүлээн авах сүүлийн хугацаа 2016 оны 02 дугаар сарын 15.
Дэлгэрэнгүй мэдээлэл болон өргөдлийн талаарх мэдээллийгwww.law.washington.edu/programs/TRACEScholar/Default.aspx цахим хаягаар орж үзнэ үү.
ШҮҮХИЙН ГАДААД ХАРИЛЦААНЫ ХЭЛТЭС
