Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/

ХУУЛЬД НИЙЦЭЭГҮЙ ТОХИОЛДОЛД ЗАСАГ ДАРГА ӨМНӨ ГАРГАСАН ЗАХИРАМЖАА ӨӨРӨӨ ХҮЧИНГҮЙ БОЛГОХ ЭРХТЭЙ

Архангай аймаг дахь Захиргааны хэргийн анхан шатны шүүхийн 2023 оны 1 дүгээр сарын 2-ны өдрийн №109/ШШ2023/0001 дугаар шийдвэр

Тоймын огноо, дугаар: 2023 оны 10 дугаар сарын 23, Дугаар 14

Тоймын төрөл: Шүүхийн шийдвэрийн тойм

Шийдвэрийн төлөв: Хүчин төгөлдөр болсон

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

Нэхэмжлэгч "Н” ХХК нь Архангай аймгийн Засаг даргын 2022 оны .. дүгээр сарын ..-ний өдрийн ...дүгээр "Захирамж хүчингүй болгох тухай” захирамжийг хүчингүй болгуулахаар шүүхэд маргажээ.

Анх нэхэмжлэгч "Н” ХХК-д аймгийн Засаг даргын захирамжаар Түгээмэл тархацтай ашигт малтмалын хайгуулын тусгай зөвшөөрлийг олгосон байжээ. Улмаар маргаан бүхий захирамжаар урьд олгосон тусгай зөвшөөрлөө цуцалж хүчинүй болгосон.

Хуулиар түгээмэл тархацтай ашигт малтмалын хайгуулийн тусгай зөвшөөрөл авахад зайлшгүй сум болон аймгийн иргэдийн Төлөөлөгчдийн хурлын хууль ёсны саналыг авсан байх ёстой.

Засаг дарга тус компанид анх тусгай зөвшөөрөл олгохдоо ч сумын болон аймгийн иргэдийн Төлөөлөгчдийн Хурлын Тэргүүлэгчдийн тогтоолыг үндэслэсэн.

Хэдий тийм боловч тухайн нутгийн өөрөө удирдах ёсны байгууллага нь дээрх тогтоолуудаа хууль бус гэж үзэн хүчингүй болгожээ. Өөрөөр хэлбэл хуульд заасан санал авах шаардлага ийнхүү хангагдахгүй болсон тул Засаг дарга урьд гаргасан захирамжаа хүчингүй болгожээ. Шүүхээс Засаг дарга өмнө гаргасан захирамжаа өөрөө хүчингүй болгох гол үндэслэл нь хууль тогтоомжид нийцээгүй тохиолдолд хэрэгжих учиртай тул маргаан бүхий энэ хэргийн тухайд хуульд нийцсэн гэж үзжээ.

Түүнчлэн Түгээмэл тархацтай ашигт малтмалын тухай хуулийн дагуу хайгуулын тусгай зөвшөөрөл олгосон Засаг даргын захирамж нь анх гарахдаа төдийгүй эрх зүйн үйлчлэл үзүүлэхдээ ч хуульд заасан нөхцөл шалгуур хангагдаж байж хүчин төгөлдөр үйлчилж хэрэгжих учиртай. Тухайлбал, Түгээмэл тархацтай ашигт малтмалын тухай хуульд заасан нөхцөл, шаардлагыг хангасан, эл шаардлага нь хууль зүйн хувьд хүчин төгөлдөр байдал нь мөн хангагдаж байж хууль зүйн үйлчлэл үзүүлэх ёстой гэж дүгнэжээ.

 

Шийдвэрийг бүтнээр харах цахим холбоос:

https://shuukh.mn/single_case/12224?daterange=2023-01-01%20-%202023-01-02&id=1&court_cat=3&bb=1

 

Тоймыг бэлтгэсэн: Архангай аймаг дахь Захиргааны хэргийн анхан шатны шүүхийн
шүүгч А.Түвшинтулга

Нийтэлсэн court   Үзсэн: 137   |   Сэтгэгдэл: 0
Хэвлэх
Төсөөтэй мэдээлэл:
Сэтгэгдэл үлдээх

reload, if the code cannot be seen
Шүүхийн шийдвэрийн цахим сан



Зургийн цомог
ЗУРГИЙН ЦОМОГ
Хандалт
Цахим хуульч
Санал асуулга
 

Ярилцлага

Манай вэб сайтын чанар


 
 
Fatal error: [] operator not supported for strings in /home/arcourtm/public_html/index.php on line 304