Шүүхийн ерөнхий зөвлөлийн Гүйцэтгэх нарийн бичгийн дарга Т.Мэндсайхан Азийн хөгжлийн банкны Зүүн Хойд Азийн газрын санхүүгийн секторын мэргэжилтэн Аёнг Кимийг хүлээн авч уулзлаа.
Уулзалтад Шүүхийн хүний нөөцийн газрын даргын албан үүргийг түр орлон гүйцэтгэгч Б.Одонгэрэл, Шүүхийн гадаад харилцааны хэлтсийн дарга Ч.Халиун, Шүүхийн сургалт хариуцсан референт С.Алтанхуяг нар байлцсан юм.
Энэ үеэр Шүүхийн ерөнхий зөвлөл болон Азийн хөгжлийн банк хооронд байгуулсан "Монгол Улсын шүүхийн сургалтын чадавхыг бэхжүүлэх” техникийн туслалцааны төслийг хэрэгжүүлэх талаар ярилцаж харилцан тохиролцоонд хүрэв.
Одоогоор тус техникийн туслалцааны хүрээнд ажиллах олон улсын болон дотоодын зөвлөхийг сонгон шалгаруулах үйл ажиллагаа үргэлжилж байгаа бөгөөд энэ оны 9 дүгээр сараас сургагч багш бэлтгэх эхний ээлжийн сургалтыг зохион байгуулахаар төлөвлөлөө.
ШҮҮХИЙН ХҮНИЙ НӨӨЦИЙН ГАЗАР
