Шүүгчийн ёс зүйн сургагч багш бэлтгэх сургалт зохион байгуулж байна

2024-11-23    |   72

---

Шүүхийн ерөнхий зөвлөлөөс шүүгчийн ёс зүйн сургагч багшаар ажиллах сонирхолтой шүүгчдийн хүсэлтийг хүлээн авч судалсны үндсэн дээр 17 шүүгч, шүүхийн захиргааны ажилтныг сургагч багшаар сонгосон. Сургагч багш нар 2015 оны 5 дугаар сарын 6-наас эхлэн сургалтад хамрагдаж байна.

Сургалтад оролцогчид шүүгчийн ёс зүйн тухай үндсэн ойлголт, хуульчийн баримтлах нийтлэг зарчим, үүрэг, шүүх эрх мэдлийн бие даасан, зарчимч, төвийг сахих байдал, шүүгчийн ашиг сонирхлын зөрчил, шүүгчийн албан үүргээс бусад хувийн амьдралд баримтлах зарчим, шүүгчийн ёс зүйн зөрчлийг хянан шийдвэрлэх ажиллагаа зэрэг сэдвээр онол-практикийн мэдлэг, ур чадвараа дээшлүүлж байна.

Мөн сургалтыг үр дүнтэй, оролцоонд тулгуурласан хэлбэрээр зохион байгуулах аргуудад суралцлаа. Тус сургалт 5 дугаар сарын 8-ныг дуустал үргэлжлэх бөгөөд 2015 онд зохион байгуулах шүүгчийн ёс зүйн сургалтын хөтөлбөр, гарын авлага боловсруулах ажлын төлөвлөлт, зохион байгуулалтыг хэлэлцэх юм.

 

Шүүхийн хүний нөөцийн газар