Сум дундын 1 дүгээр шүүх, Захиргааны хэргийн анхан шатны 1 дүгээр шүүх, шүүхийн тамгын газар тус аймгийн Прокурорын газар, Архангай аймгийн Засаг даргын дэргэдэх Цагдаагийн газар, Шүүхийн шийдвэр гүйцэтгэх алба, Аймгийн Засаг даргын тамгын газар зэрэг байгууллагуудтай хамтран \"Гэмт хэргээс урьдчилан сэргийлэх, хууль сурталчилах, шүүхийн 2014 оны шүүн таслан ажлын мэдээ, тайланг танилцуулах” ажлаар Архангай аймгийн Ихтамир, Хангай, Чулуут, Өндөр-Улаан, Тариат, Цахир сумдаар 2015 оны 05 сарын 11-15-ны өдрүүдэд нүүдэллэн ажиллалаа.

Тус ажлын хэсэгт Сум дундын 1 дүгээр шүүхийн Ерөнхий шүүгч В.Цэцэнбилэг, Захиргааны хэргийн анхан шатны 1 дүгээр шүүхийн Ерөнхий шүүгч Б.Одонтуяа, Мэдээлэл лавлагааны мэргэжилтэн А.Батсанаа, шүүгчийн туслах О.Батцэрэн наражиллаж, Сум дундын 1 дүгээр шүүхийн 2014 он, 2015 оны эхний улирлын шүүн таслах ажлын мэдээ, Захиргааны хэргийн анхан шатны 1 дүгээр шүүхийн 2014 он, 2015 оны эхний улирлын шүүн таслах ажлын мэдээ, шүүхийн үйл ажиллагааны тайланг иргэдэд танилцуулж, \"Шүүхэд нэхэмжлэл хэрхэн гаргах”болон \"Нөлөөллийн мэдүүлэг”-сэдвүүдээр тус тус сургалт зохион байгууллаа.

Мөн Тариат суманд ажиллахдаа иргэдээс ирүүлсэн 20 нэхэмжлэл, хүсэлт хүлээн авч, 19 хүсэлтийг хянан шийдвэрлэж, иргэдэд шүүхийн үйлчилгээг чирэгдэлгүй газар дээр нь хүргэж үйлчиллээ.

Шүүхийн тамгын газар