Хүний эрхийн Үндэсний Комисс, Нээлттэй нийгэм форумтай хамтарч зохион байгуулдаг хүний эрхийн цуврал лекц арга хэмжээнд Шүүхийн Ерөнхий зөвлөлийн дарга, философийн ухааны доктор(Ph.D), хууль зүйн шинжлэхухааны доктор(Sc.D), профессор Н.Лүндэндоржзочин илтгэгчээр оролцож,\"Шударга шүүхээр шүүлгэх эрх\" сэдвээрөнөөдөрлекц уншлаа. Энэхүү лекцээр хүний үндсэн эрх, түүний материаллаг болон процессийн хэм хэмжээний агуулга, орчин үеийн хандлага, шударга шүүхээр шүүлгэх эрх ба хүний үндсэн эрх, шүүх шударга ёсны үйлчилгээг хэрэгжүүлэх эрх мэдэл болох нь, Монгол Улсад шүүн таслах байгууллагаас шүүх эрх мэдэлд шилжих процесс ба шүүхийн шинэтгэл, үр дүн, шударга шүүхээр шүүлгэх эрхийг хангах, хамгаалах механизм, тулгамдаж буй асуудал зэрэг сэдвээр санал бодлоо солилцсон юм. \"Шударга шүүхээр шүүлгэх эрх” сэдвээр өмнө нь илтгэл тавьж байгаагүй, анх удаагаа илтгэл тавьж байна гэдгээ тэрбээр онцлоод \"Шүүхийн ерөнхий зөвлөлийн даргын хувьд биш эрдэмтэн, профессор хүний хувьд энэхүү илтгэлийн тавьж байгаа юм шүү” гэв. Доктор, профессор Н.Лүндэндоржийн илтгэлийн гол агуулга нь Шүүхэд хандах хэрэгцээ, Шударга шүүх үндэс, Шударгаар шүүлгэх эрхийн стандарт, Монгол Улс: Шүүхийн шинэтгэл гэсэн дөрвөн хэсгээс бүрдсэн юм. Энэхүү лекцэд Хүний эрхийн үндэсний комисс, Нээлттэй нийгэм форум, Шүүхийн ерөнхий зөвлөл, болон хүний эрхийн чиглэлээр үйл ажиллагаа явуулдаг төрийн болон төрийн бус байгууллагуудын төлөөлөл оролцсон юм. Илтгэлийн дараа оролцогчдын зүгээс Шүүхийн Ерөнхий зөвлөлийн дарга, философийн ухааны доктор(Ph.D), хууль зүйн шинжлэхухааны доктор(Sc.D), профессор Н.Лүндэндоржид сонирхолтой лекц уншсанд талархал илэрхийлээд асуулт асууж, санал бодлоо хуваалцсан юм.