“Хууль таниулах, сургалт, мэдээллийн өдөрлөг” арга хэмжээ Булган суманд үргэлжлэв
2024-12-21 | 32
Монгол Улсад захиргааны хэргийн шүүх байгуулагдсаны 20 жилийн ойг тохиолдуулан Архангай аймаг дахь Захиргааны хэргийн анхан шатны шүүхээс санаачлан иргэдийн эрх зүйн мэдлэгийг нэмэгдүүлэх, шүүхийн ил тод, нээлттэй байдлыг хангахад чиглэсэн олон ажлыг 2024 онд санаачлан хэрэгжүүлж байгаа билээ.
Энэхүү ажлын хүрээнд аймгийн нийт шүүх, Шүүхийн Тамгын газар, Архангай аймгийн гэмт хэргээс урьдчилан сэргийлэх ажлыг зохицуулах салбар зөвлөлтэй хамтран аймгийнхаа 19 суманд “Хууль таниулах, сургалт, мэдээллийн өдөрлөг” арга хэмжээг 2024 оны 4 дүгээр сараас эхлэн зохион байгуулж байгаа билээ.
Энэ удаад “Хууль таниулах, сургалт, мэдээллийн өдөрлөг” арга хэмжээ Булган суманд амжилттай болж өндөрлөлөө.
Тус сургалтад шүүгч болон шүүгчийн туслах, шүүхийн захиргааны ажилтнууд дараах сэдвээр танилцуулга, мэдээллийг хүргэлээ.
“Захиргааны байгууллагын шийдвэр, үйл ажиллагаа (Захиргааны ерөнхий хууль)” сэдвээр Архангай аймаг дахь Захиргааны хэргийн анхан шатны шүүхийн шүүгч А.Түвшинтулга, шүүгчийн туслах Г.Цэрэндэжид;
“Иргэдийн түгээмэл холбогдож буй гэмт хэрэг, зөрчил тэдгээрээс урьдчилан сэргийлэх, анхаарах асуудал /Зарим төрлийн гэмт хэрэг, зөрчлийн жишээн дээр/”сэдвээр Архангай аймгийн сум дундын эрүүгийн хэргийн анхан шатны шүүхийн шүүгчийн туслах Б.Дамдинсүрэн;
“Иргэний шүүхэд мэдүүлэх эрх, иргэний хэргийн шүүхээр түгээмэл шийдвэрлэгддэг хэрэг, маргаан анхаарах зүйл”, “Шүүх дэх эвлэрүүлэн зуучлалаар шийдвэрлэх маргаан, иргэдийн анхаарах асуудал” сэдвээр Архангай аймгийн шүүх дэх эвлэрүүлэн зуучлагч Т.Нэргүйбаатар нар тус тус сургалтыг эрхлэн хүргэж иргэдийн сонирхсон асуултад хариуллаа.
Сургалтын үеэр урьдчилан бэлтгэсэн гарын авлага, тараах материал зэргийг сургалтад оролцсон иргэд, төрийн албан хаагчдад тарааж өгөв.
АРХАНГАЙ АЙМАГ ДАХЬ ШҮҮХИЙН ТАМГЫН ГАЗАР