Шүүхийн ерөнхий зөвлөлөөс ХБНГУ-ын Ханнс-Зайделийн сангийн \"Эрх зүйн боловсрол академи”-тай хамтран \"Эрүүгийн эрх зүйн сургалт”-ыг 2015 оны 11 дүгээр сарын 25-наас 12 дугаар сарын 09-ний өдрүүдэд бүсчилсэн хэлбэрээр давж заалдах шатны шүүх байрлан үйл ажиллагаа явуулдаг аймгууд болон нийслэлд 10 ээлжээр зохион байгуулна.

   Сургалт нь албан тушаалын гэмт хэрэг, кибер гэмт хэрэг зэрэг зарим төрлийн гэмт хэргийн бүрэлдэхүүн, зүйлчлэл тэдгээрийг шүүхэд хянан шийдвэрлэхэд анхаарах асуудал түүнчлэн шинжээчийн дүгнэлтийг үнэлэх арга зүй, шүүхээс хэргийг хэрэг бүртгэлт, мөрдөн байцаалтад буцаах асуудлын талаар шүүгчдийн мэдлэгийг нэмэгдүүлэхэдчиглэнэ.

   Сургалт Шүүхийн ерөнхий зөвлөлийн даргын 2015 оны 172 дугаар тушаалаар батлагдсан Эрүүгийн эрх зүйн сургалтын хөтөлбөрийн (хөтөлбөрийг дараах линкээр татаж авна уу http://www.judcouncil.mn/main/2571--.html ) дагуу зохион байгуулагдах бөгөөд эрүүгийн хэргийн анхан болон давж заалдах шатны, сум дундын шүүхийн шүүгчид оролцоно.

ШҮҮХИЙН ХҮНИЙ НӨӨЦИЙН ГАЗАР