Гар бөмбөгийн тэмцээн амжилттaй зохион байгуулав

Байгууллага хамт олны чөлөөт цагийг зөв боловсон өнгөрүүлэх зорилгоор анх 2015 онд Архангай аймаг дахь сум дундын Захиргааны хэргийн анхан шатны шүүхээс санаачилсан гар бөмбөгийн тэмцээнийг түрүү жилийн шилжин явах цомын эзэн Архангай аймаг дахь сум дундын Иргэний хэргийн анхан шатны шүүхээс 2016 оны 10 сарын 01-ний өдөр амжилттай зохион байгуулав. Энэ жилийн тэмцээнд шүүх бүрэлдэхүүнд томилолтоор ирээд байсан Баянхонгор, Завхан аймгуудын шүүхийн шүүгчид, шүүхийн ажилтнууд хамтран зочин баг болж оролцсон нь онцлог байлаа. 

Тус тэмцээнд Архангай аймаг дахь сум дундын Эрүүгийн хэргийн анхан шатны шүүх тэргүүн байр, дэд байрыг Архангай аймаг дахь сум дундын Иргэний хэргийн анхан шатны шүүх тус тус эзэллээ. Тэмцээнд оролцсон баг тамирчдад спортын өндөр амжилт хүсье.