Улсын Их Хурлаас Эрүүгийн хууль, Эрүүгийн хэрэг хянан шийдвэрлэх тухай хууль, Зөрчлийн хууль, Зөрчил хянан шийдвэрлэх тухай /шинэчилсэн найруулга/ хуулиудыг баталж 2017 оны 7 дугаар сарын 1-ний өдрөөс мөрдөж эхлэхтэй холбогдуулан Эрүүгийн хэргийн мониторингийн ажлын хэсэг өнөөдрөөс эхлэн Эрүүгийн бүртгэл, хяналтын нэгдсэн системд өөрчлөлт оруулахаар ажиллаж байна

      Ажлын хэсгийн ахлагч Улсын дээд шүүхийн шүүгч Б.Батцэрэн, гишүүн Нийслэлийн эрүүгийн хэргийн давж заалдах шатны шүүхийн шүүгч Б.Зориг, Т.Өсөхбаяр, Сонгинохайрхан дүүргийн Эрүүгийн хэргийн анхан шатны шүүхийн шүүгч Г.Ганбаатар, Хан-Уул дүүргийн Эрүүгийн хэргийн анхан шатны шүүхийн шүүгч Д.Алтанжигүүр, ШЕЗ-н Мэдээллийн технологийн хэлтсийн дарга Д.Мөнхзориг, Хэргийн хөдөлгөөний хэлтсийн дарга Ш.Одгэрэл нар өөр өөрсдийн чиглэлээр шинэ хуулиудын хүрээнд системд өөрчлөлт оруулах даалгавар боловсруулж Хууль зүйн яамны Шүүх, Хууль зүйн цахим мэдээллийн нэгтсэн тогтолцоо бүрдүүлэх төсөлд хүлээлгэн өгч 2017 оны 7 дугаар сарын 1-ний өдрөөс нийт эрүүгийн хэргийн шүүхүүдэд шинэчилсэн систем  нэвтрүүлэхээр төлөвлөн ажиллаж байна.