$\"Нийслэлийн$

Нийслэлийн шүүх байгуулагдсаны түүхт 90 жилийн ойн ёслолын арга хэмжээ өнөөдөр (2017.10.5) эхэллээ.

БНМАУ-ын Засгийн газрын 1926 оны 12 дугаар сарын 30-ны өдрийн 49 дүгээр тогтоолоор Улаанбаатар хотын шүүн таслах газрыг хотын захиргааны орон тоонд багтаан 1927 оны 1 дүгээр сарын 01-ний өдрөөс үүсгэн байгуулахаар шийдвэрлэсэн нь түүхэнд үлджээ. Улаанбаатар хотын шүүн таслах газар анх дарга, байцаагч түшмэл, нарийн бичгийн дарга, хэлмэрч, бичээч, их гяндан салааны харуулууд, хуяг, морьтой явган зарлага зэрэг 39 орон тоотой байжээ. Энэ үеэс Нийслэлийн шүүхийн түүхэн замнал тоологдож эхэлсэн юм.

Өдгөө Нийслэлийн Эрүүгийн хэргийн давж заалдах шатны шүүх 15 шүүгч, Нийслэлийн Иргэний хэргийн давж заалдах шатны шүүх 16 шүүгч, шүүхийн захиргааны 60 гаруй ажилтантайгаар хэрэг, маргааныг давж заалдах журмаар хянан шийдвэрлэж байна.

Нийслэлийн шүүхэд ажиллаж байсан, ажиллаж байгаа нийт шүүгч, ажилтнуудад 90 жилийн ойн баярын мэнд дэвшүүлье.

$\"Нийслэлийн$