Шүүгчийн ганцаарчилсан сургалт эхэллээ

2024-09-20    |   48

---

Шүүхийн ерөнхий зөвлөлөөс шүүгчийн сургалтыг олон хувилбарт болон сонголтот тогтолцоонд шилжүүлэх зорилтыг дэвшүүлсэн бөгөөд энэ хүрээнд \"Шүүгчийн ганцаарчилсан сургалт”-ыг зохион байгуулж эхэллээ.

 

 

Сургалт нь шүүгчид судалгаа, эрдэм шинжилгээний ажлын шинэ санаа, санаачлагаа бодитойгоор хэрэгжүүлэхэд шаардлагатай мэдлэг, ур чадвараа дээшлүүлэх, шүүгч бие даан суралцах нөхцөл, боломжийг бүрдүүлэхэд чиглэгдэнэ.

Шүүхийн сургалтын нэгдсэн төлөвлөгөөний дагуу 2015 оны 9 дүгээр сарын 25-ныг хүртэл үргэлжлэх сургалтад анхан болон давж заалдах шатны шүүхийн нийт 35 шүүгч оролцохоор сонгогдоод байна.

 

 

Өнөөдөр эхэлж буй эхний ээлжийн сургалтад Иргэний хэргийн давж заалдах шатны 6 дугаар шүүхийн Ерөнхий шүүгч О.Нарангэрэл, Иргэний хэргийн давж заалдах шатны 8 дугаар шүүхийн шүүгч А.Отгонцэцэг, Иргэний хэргийн давж заалдах шатны 9 дүгээр шүүхийн шүүгч С.Оюунцэцэг нар оролцож өөрсдийн \"суралцах төлөвлөгөө”-г боловсруулан хэрэгжүүлж эхлээд байна.

 

 

 

Шүүхийн судалгаа, мэдээлэл, сургалтын хүрээлэн