Сум дундын 1 дүгээр шүүх болон Захиргааны хэргийн анхан шатны 1 дүгээр шүүхийн тамгын газрын 2015 оны сургалтын хөтөлбөрт тусгагдсаны дагуу 2015 оны 04 сарын 09-ний өдөр Архангай аймгийн Нийгмийн даатгалын хэлтсийн үйлчилгээний албаны дарга Л.Ариунаа, мөн хэлтсийн Эрүүл мэндийн даатгалын албаны дарга, эмч О.Тэрбиш нарыг урьж шүүхийн нийт шүүгч, ажилтнуудад \"Нийгмийн даатгалын сангаас авах тэтгэвэр, тэтгэмжийн тухай”, \"Эрүүл мэндийн даатгалын тухай хуулийн шинэчилсэн найруулга, эрүүл мэндийн даатгалын сангаас олгогдох үйлчилгээ” сэдвээр тус тус сургалт зохион байгуулж, шинээр батлан хэрэгжих гэж байгаа хуулийн найруулга болон нийгмийн болон эрүүл мэндийн даатгалын сангаас үзүүлэх үйлчилгээний талаар мэдээлэл өглөө.