Шүүхийн ерөнхий зөвлөлийн гишүүн П.Батсайханаар ахлуулсан, референт Б.Мөнхбат нарын бүрэлдэхүүнтэй ажлын хэсэг Архангай аймаг дахь анхан болон давж заалдах шатны шүүхүүдэд 2018 оны 03 дугаар 16-ны өдөр ажиллалаа.

Архангай аймаг дахь шүүхийн тамгын газрын 2017 оны үйл ажиллагааны товч тайланг шүүхийн тамгын газрын дарга Ц.Эрдэнэцогт танилцуулав.

Шүүхийн Ерөнхий зөвлөлийн гишүүн П.Батсайхан нийт шүүгч, ажилтнуудад Шүүхийн ерөнхий зөвлөлийн 2017 оны ажлын тайлан болон 2018 оны зорилтот ажлуудыг танилцуулж, тус шүүхэд тулгамдаж буй асуудлуудын талаар шүүгч, шүүхийн захиргааны ажилтнуудын санал хүсэлтийг сонсож, дэвшүүлж буй асуудлыг Шүүхийн ерөнхий зөвлөлийн гишүүд, ажлын албанд уламжлахаа илэрхийллээ.