IV тойргын шүүхүүдийн дунд уламжлал болон зохион байгуулагддаг спортын нөхөрсөг 5 төрөлт тэмцээн болж өнгөрлөө. Уг тэмцээнд Архангай, Баянхонгор, Өвөрхангай аймгийн давж заалдах шатны шүүхүүд, Архангай аймаг дахь сум дундын Эрүүгийн хэргийн анхан шатны шүүх, Иргэний хэргийн анхан шатны шүүх,  Архангай аймаг дахь Захиргааны хэргийн анхан шатны шүүх, Баянхонгор аймаг дахь Эрүүгийн хэргийн анхан шатны шүүх, Иргэний хэргийн анхан шатны шүүх, Баянхонгор аймаг дахь Захиргааны хэргийн анхан шатны шүүх, Өвөрхангай аймаг дахь Эрүүгийн хэргийн анхан шатны шүүх, Иргэний хэргийн анхан шатны шүүх, Өвөрхангай аймаг дахь Захиргааны хэргийн анхан шатны шүүх, Өвөрхангай аймгийн Хархорин сум дахь Сум дундын шүүхүүдийн оролцлоо.

 

   Өдөрлөгийн нээлтийн үйл ажиллагаа МУБИС-ийн харъяа Архангай аймаг дахь Багшийн сургуулийн спорт зааланд болсон ба ажиллагааг нээж Архангай, Баянхонгор, Өвөрхангай аймгийн Эрүүгийн хэргийн давж заалдах шатны шүүхийн ерөнхий шүүгч Д.Эрдэнэбилэг, ахмад шүүгч Г.Даваа нар үг хэлсэн юм.

 

Спортын өдөрлөгийг биллъярд, шатар, ширээний теннис, гар бөмбөг, сагсан бөмбөг гэсэн таван төрлөөр зохион байгуулж, баг тамирчид авхаалж самбаа, ур чадвараараа өрсөлдөж, аврагаа шалгарууллаа.