\"Шүүх, шүүгчийн аюулгүй байдлыг хангах журам”, \"Яллагдагчийг хуяглан хүргэх, албадан ирүүлэх, эрэн сурвалжлах ажиллагаа явуулах журам”-ын хэрэгжилтийн талаар Шүүхийн ерөнхий зөвлөл, Цагдаагийн ерөнхий газрын холбогдох албаны хүмүүс өнөөдөр уулзалт зохион байгууллаа.

Энэхүү уулзалтад Шүүхийн хүний нөөцийн газрын дарга С.Энхбаяр, Шүүгчийн хараат бус байдлыг хамгаалах хэлтсийн Шүүгчийн хараат бус, шүүхийн аюулгүй байдал хариуцсан референт Б.Өлзий, Нөлөөллийн мэдүүлэг болон ашиг сонирхлын зөрчлөөс урьдчилан сэргийлэх асуудал хариуцсан референт А.Өсөхбаяр оролцов. Харин Цагдаагийн ерөнхий газраас Олон нийтийн аюулгүй байдлыг хангах албаны Бодлого зохицуулалтын хэлтсийн дарга, цагдаагийн дэд хурандаа Т.Лхагвадорж, Олон нийтийн аюулгүй байдлыг хангах албаны мэргэжил, арга зүйн хэлтсийн ахлах мэргэжилтэн, цагдаагийн дэд хурандаа И.Даваажамьян, Олон нийтийн аюулгүй байдлыг хангах албаны Хамгаалалтын нэгдүгээр газрын Шүүх, шүүгчийн аюулгүй байдлыг хангах хэлтсийн дарга, цагдаагийн хошууч Ж.Батзориг оролцсон юм. Уулзалтаар шүүх, шүүгчийн аюулгүй байдлыг хангахад тулгарч буй хүндрэл, бэрхшээл болон цаашид авч хэрэгжүүлэх арга хэмжээний талаар харилцан ярилцаж, 2017 онд хамтарсан төлөвлөгөө гаргаж, ажиллахаар боллоо.

Шүүхийн хүний нөөцийн газар